နိုင်ငံရေးဝန်ကြီး ဒေါ်အောင်ဆန်းစုကြည်ဖြစ်နိုင်

uဒေါ်အောင်ဆန်းစုကြည် နိုင်ငံခြားရေးဝန်ကြီးဖြစ်နိုင်ခြေရှိဟု NLD ဗဟိုအလုပ်အမှုဆောင်အဖွဲ့ဝင် ဦးထွန်းထွန်းဟိန် ပြောကြား
---- ------ ------ ------ ----
အမျိုးသားဒီမိုကရေစီအဖွဲ့ချုပ် ဥက္ကဌ ဒေါ်အောင်ဆန်းစုကြည်သည် နိုင်ငံခြားရေးဝန်ကြီး ဖြစ်လာနိုင်ခြေရှိကြောင်း NLD ဗဟိုအလုပ်အမှုဆောင်အဖွဲ့ဝင်၊ ဥပဒေကြမ်းကော်မတီ ဥက္ကဌ ဦးထွန်းထွန်းဟိန် News Watch ဂျာနယ်သို့ မတ်လ ၁ ရက်နေ့က ပြောကြားသည်။

ဖေဖော်ဝါရီ ၂၇ ရက်နေ့ထုတ် ဘန်ကောက်ပို့စ်၌ ဖော်ပြခဲ့သည့် Larry Jagan ၏ Suu Kyi and Army Commander Strike Deal ဆောင်းပါးတွင် ဖော်ပြထားသည့် ဒေါ်အောင်ဆန်းစုကြည်သည် နိုင်ငံခြားရေးဝန်ကြီးနေရာ ရယူမည့် အ လားအလာရှိဆိုသည့်အချက်နှင့်ပတ်သက်၍ မေးမြန်းရာ ၄င်းက အထက်ပါအတိုင်း သုံးသပ်ပြခဲ့ခြင်းဖြစ်သည်။
“အဲဒါကတော့ ဖြစ်နိုင်ခြေရှိတယ်လို့ သုံးသပ်ပါတယ်။ မြန်မာနိုင်ငံဖွံ့ဖြိုးတိုးတက်ဖို့ဆိုရင် ကမ္ဘာနဲ့ နိုင်ငံတကာနဲ့ ဆက် ဆံရေးတွေ အများကြီး ပြုလုပ်ရမှာလေ။ အဲလို အဆက်ဆံပြုရမှာဆိုတော့ အဲဒီနေရာမှာ နေမယ်ဆိုရင် မြန်မာနိုင်ငံ အတွက် အကျိုးအများကြီး ဖြစ်ထွန်းစရာဖြစ်တဲ့ နေရာပေါ့။ ဒါပေမဲ့ အဲဒီနေရာမှာ ယူမယ်လို့ အတိအကျပြောတာမ ဟုတ်ဘူးနော်။ စဉ်းစားကြည့်တာပါ”ဟု ဦးထွန်းထွန်းဟိန်က ပြောသည်။

ထို့ပြင် ဆောင်းပါးတွင် ဖော်ပြထားသည့် ဒေါ်အောင်ဆန်းစုကြည်သည် သူမသမ္မတဖြစ်ရေး ဆက်လက် ကြိုးပမ်းတော့မည်မဟုတ်ဘဲ အစိုးအဖွဲ့ဝင်တဦးနေဖြင့် အစိုးရကို ကိုင်တွယ်ထိန်းသိမ်းသွားမည်ဟူသည့် သုံး သပ်ချက်နှင့် ပတ်သက်၍ ဒေါ်အောင်ဆန်းစုကြည်အနေဖြင့် ဥပဒေပြုရေး၊ အစိုးရ ဖွဲ့စည်းရေးနှင့် ပါတီ စသည့်နေရာ ၃ ခုစလုံးအား ထိန်းချုပ်နိုင်မည့် နေရာတခုတွင် ရှိနေလိမ့်မည်ဟု သုံးသပ်ထားပြီး ယခင်က ပြောဆိုထားသည့်အတိုင်း NLD က ရုပ်ပြသမ္မတ တဦးကိုရွေးကောက်တင်မြှောက်ပြီး သူမက သမ္မအထက်မှာ ရှိနေမည် ဟူသည့် ရေးသားချက်နှင့် ပတ်သက်၍လည်း “ ဒီဥစ္စာကလည်း အစကတည်းက အန်တီပြောထားပြီးသားပဲ။ အဲဒီသုံးသပ်ချက်အတိုင်းနေမယ်လို့ ပြောထားပြီးသားပါ။ သမ္မတကို စောင့်ကြည့်လို့ရမဲ့နေရာ ၊လွှတ်တော်ကို စောင့်ကြည့်လို့ရမဲ့နေရာ၊ ပါတီကို စောင့်ကြည့်လို့ရမဲ့နေရာမှာ နေလိမ့်မယ်လို့ ယူဆပါတယ်”ဟု ဦးထွန်းထွန်းဟိန်က ပြောသည်။

ယင်းအပြင် တရားဝင် ထုတ်ဖော်ပြောကြားမထားသော်လည်း NLD အနေနှင့် ဖွဲ့စည်းပုံပြင်ဆင်ရေးကို ဆက်လက် မ ကြိုးပမ်းတော့ဟူသည့်အချက်အား ဦးထွန်းထွန်းဟိန်က ငြင်းဆိုသည်။
“အဲဒါနဲ့ ပတ်သက်လို့ဖြစ်နိုင်ဖွယ် သိပ်မရှိပါဘူး။ ကျွန်တော်တို့ NLD က ဖွဲ့စည်းပုံအခြေခံဥပဒေကို ပြင်မယ်ဆိုပြီးတော့ ပြည်သူကို ကတိပေးပြီးတော့ ပေါ်ပေါက်လာတဲ့ အစိုးရအဖွဲ့လေ။ အဲဒီအချက်ကို မထောက်ခံပါဘူး။ ပြင်ဖို့ကြိုးစားမှာပါ။ ဖွဲ့စည်းပုံအခြေခံဥပဒေက ဒီမိုကရေစီစံနှုန်းနဲ့ မကိုက်ညီတာတွေ၊ တိုင်းပြည်ဖွံ့ဖြိုးတိုးတက်ဖို့အတွက် မဖြစ်နိုင်တာတွေ၊ နောက်ပြီးတော့ ငြိမ်းချမ်းရေးအတွက် အခက်အခဲရှိနေတာတွေ။ ဒါတွေ သိနေတာပဲ။ အဲဒီတော့ ဖွဲ့စည်းပုံကို NLD က မပြင်ပါဘူးဆိုတဲ့ သုံးသပ်ချက်ဟာ မဖြစ်နိုင်ဘူးလို့ ပြောချင်ပါတယ်”ဟု ၎င်းက ပြောသည်။

မတ်လ ၃၀၊ ၃၁ ရက်များတွင် အလွှဲအပြောင်း ကိစ္စများရှိခြင်း၊ ဧပြီ ရက်ရှည်ရုံးပိတ်ရက်များရှိနေခြင်းကြောင့် ဒေါ်အောင်ဆန်းစုကြည်နှင့် ဗိုလ်ချုပ်မှူးကြီး မင်းအောင်လှိုင်တို့အကြား ဆွေးနွေးညှိနှိုင်းမှုများ ဧပြီလွန်မှ ဆက်လက် လုပ်ဆောင်မည်ဟုလည်း ဦးထွန်းထွန်းဟိန်က သုံးသပ်ပြောကြားသည်။

အဆိုပါ ကိစ္စရပ်များနှင့် ပတ်သက်၍ ၈၈ မျိုဆက် ကျောင်းသားခေါင်းဆောင်ကိုမြအေးက အောက်ပါအတိုင်း သုံးသပ်သည်။
“ဖွဲ့စည်းပုံဆိုင်ရာ ကိစ္စရပ်တစ်ခုကို ပြင်ချင်တယ်ဆိုရင် ၇၅ ရာခိုင်နှုန်းအထက်ရမှ ပြင်လို့ရမယ်ဆိုတာ အားလုံးသိ ကြ ပါ တယ်။ အဲတော့ ဒေါ်အောင်ဆန်းစုကြည် သမ္မတဖြစ်ရေး၊မဖြစ်ရေးဆိုတဲ့ ကိစ္စက အရမ်းအရေးကြီး နေပါတယ်။ ဘာ လို့လဲဆိုတော့ လွှတ် တော်ဥက္ကဌ နှစ်ယောက်စလုံးကလည်း ရွေးချယ်ပြီးဖြစ်တယ်။မြန်မာပြည်မှာ အမြင့်ဆုံးအာ ဏာအဖွဲ့အစည်းက ကာလုံဗျ။ ကာ ကွယ်ရေးနဲ့ လုံခြုံရေးကောင်စီ။ အဲဒီကောင်စီ ၁၁ ယောက်တည်းမှာ ဒေါ်အောင် ဆန်းစုကြည်ပါဖို့လိုတယ်လို့မြင်တယ်။ ဒေါ်စုက ကာလုံမှာပါဖို့ဆိုတာ သမ္မတဆိုတဲ့ အခြေအနေနဲ့ဖြစ်မှရမယ်။ဒါမှ မဟုတ်ရင် နိုင်ငံခြားရေးဝန်ကြီးဖြစ်မှ ရမယ်။ ဒီအခြေနေ နှစ်ရပ်ရှိတဲ့အထဲမှာ သမ္မတဖြစ်ရေးက ၅၉-စ ဆိုင်းငံ့မလား၊ ပြင်ဖို့ကတော့ မဖြစ်နိုင်ဘူး။ ဒီလောက်အချိန်ကာလနဲ့ ဘယ်လိုမှ မဖြစ်နိုင်ဘူး။ အဲဒီအခြေအနေအပေါ်မှာ ကာချုပ်နဲ့ ဆွေးနွေးချက်တွေက ဒီကိစ္စတွေ ပါကောင်းပါနိုင်မယ်လို့ ခန့်မှန်းလို့ပဲရမယ်ပေါ့။ အကယ်၍ ၅၉-စ ဆိုင်းငံ့မ ပေးတဲ့အခါမှာ ဒေါ်စုက သမ္မတဖြစ်နိုင်တဲ့အခြေအနေမရှိတော့ဘူး ဆိုပါစို့။ အဲဒါဆိုရင် ဒေါ်စုက ကာလုံထဲပါဖို့ နိုင်ငံခြား ရေး ၀န်ကြီးပဲ လုပ်ရတော့မယ့် အခြေအနေဖြစ်မယ်။ အဲဒါဆိုရင် ကိုးယို့ကားယားနိုင်ငံရေးဖြစ်စဉ် ဖြစ်သွားလိမ့်မယ်။ အဲဒီအပေါ်မှာ စိုးရိမ်တယ်။”

လင်းလင်းအောင်

posted from Bloggeroid