မြစ်ရေတိုက်စားခံနေရမှုကြောင့်အကူအညီလိုနေသည့်ရွာကလေး
ရေနံချောင်း ၊ ဖေဖော်ဝါရီ ၂၆
မကွေးတိုင်းဒေသကြီး၊ရေနံချောင်းမြို့နယ်၊မိန်းမလှကျွန်းကျေးရွာ၏မြစ်ကမ်းပါးမှာနေ့စဉ်ရေတိုက်စားခံနေရသဖြင့်အိမ်ခြေထက်ဝက်ကျော်နှင့်ဘုန်းကြီးကျောင်းတစ်ကျောင်းတို့အမြန်ဆုံးရွေ့ပြောင်းရန်လိုနေကြောင်းဒေသခံတို့ကပြောသည်။
''အရင်ကတော့ နည်းနည်းစီပြိုတယ် ။လွန်ခဲ့တဲ့၂ နှစ်လောက်က စပြီ ပြိုတာများလာတယ်။တစ်နေ့ကို ၁၅ တောင်လောက်ပြိုတယ်။တစ်နေ့တစ်ခါပဲ ပြိုတာ။အဲ့ပြိုချိန်ကလည်း တစ်နာရီခွဲပဲ ကြာတာ။
တစ်ခါတစ်လေ မြစ်ထဲမှာ သဘောင်္နည်းနည်းကြီးတာ သုံးစီးလောက်ပြိုင်တူ သွားရင် ဘယ်အချိန်ဖြစ်ဖြစ် ထပ်ပြိုတယ်''ဟုဒေသခံတစ်ဦးဖြစ်သူကိုကြည်ခိုင်က ပြောသည်။
လက်ရှိတွင် ကျေးရွာဘုန်းကြီးကျောင်းကို ယာယီပြောင်းရွေ့ထားရပြီး၊ဆရာတော်များက အဆိုပါယာယီကျောင်းတွင်သီတင်းသုံးနေရကြောင်း၊လက်ရှိကျောင်းနေရာမှ တစ်ခြားနေရာကို ပြောင်းရွေ့မယ်ဆိုပါက ငွေကျပ် သိန်း ၅၀ ခန့်မှန်းခြေ ကုန်ကျနိုင်ကြောင်းကျေးရွာအုပ်ချုပ်ရေးမှူး ဦးအောင်မင်းမင်းသန်းက ပြောသည်။
''ဘုန်းကြီးကျောင်းကလက်ရှိယာယီကေ
ျာင်းဆောင်လေး
တောင်မှ ဒီရွာရယ် တစ်ခြား ရွာတွေရယ်ကနေ အလှူငွေကောက်ခံပြီး ဆောက်ထားရတယ်။ဒါတောင် သွပ်တို့၊သံတို့ပဲ ဝယ်တာ၂၁ သိန်းလောက်ကုန်သွားတယ်''ဟု၎င်းကပြောသည်။
လက်ရှိအိမ်ရွေ့ပြောင်းမှုနှင့်ပတ်သတ်ပြီး၎င်းက
''တစ်ချို့နည်းနည်းအဆင်ပြေတဲ့ အိမ်တွေကတော့ ပြောင်းနိုင်တယ်။တစ်ချို့လက်လုပ်လက်စားသမားတွေက
တော့ မပြောင်းနိုင်သေးဘူး။အဓိက က ပြောင်းရွေ့မှုအတွက် ကုန်ကျစရိတ်ကို အလှူရှင်တွေ ဝိုင်းဝန်းကူညီစေချင်ပါတယ်''ဟုပြောသည်။
မိန်းမလှကျွန်းကျေးရွာသည် ပဲတီစိမ်း၊ပဲလွန်း၊ပြောင်းဖူးတို့ကို
စိုက်ပျိုးကြပြီးအိမ်ခြေ၁၉၀ကျော်ရှိသည်။
posted from Bloggeroid
No comments:
Post a Comment