မြန်မာနှင့်စင်ကာပူနှစ်နိုင်ငံချစ်ကြည်ရေး နှစ်၅၀ပြည့်

မြန်မာနှင့်စင်ကာပူနှစ်နိုင်ငံ

ချစ်ကြည်ရင်းနှီးမှုနှစ်၅၀ပြည့်အထိမ်းအမှတ်အဖြစ် စင်ကာပူနိုင်ငံ၏ အကောင်းဆုံးများကို စုစည်းပြသခဲ့ပြီး မြန်မာနိုင်ငံတွင် ပထမဆုံးကျင်းပခဲ့သော စင်ကာပူ ပွဲတော်သို့ ဧည့်ပရိသတ်ပေါင်း၎,၀၀၀ ကျော် လာရောက်ကြည့်ရှုလေ့လာ


ရန်ကုန်၊ မြန်မာ၊ အောက်တိုဘာ ၁၀၊ ၂

၀၁၆ − ရန်ကုန်မြို့ရှိ မြန်မာပလာဇာ၌ အောက်တိုဘာ ၈ ရက်နှင့် ၉ ရက်နေ့များတွင် ပထမဦးဆုံးအကြိမ် ကျင်းပခဲ့သော စင်ကာပူ ပွဲတော် သို့ စိတ်ပါဝင်စားစွာဖြင့် လာရောက် လေ့လာကြည့်ရှုသူများ၊ selfies ရိုက်ကူးသူများဖြင့် စည်ကားသိုက်မြိုက်ခဲ့ပါသည်။ စင်ကာပူ ပွဲတော် ကျင်းပသည့် နှစ်ရက်အတွင်းတွင်  ဧည့်သည်တော်များမှ စင်ကာပူ နိုင်ငံသို့ သွားရောက်ရန် အရောင်းအဝယ် ၁,၀၀၀ ကျော်မှ အမေရိကန် ဒေါ်လာ ၁၀၀,၀၀၀ ကျော်ဖိုး ကြိုတင် စာရင်းပေး ဝယ်ယူမှုများ ပြုလုပ်ခဲ့ကြသည်။


စင်ကာပူနိုင်ငံ အမျိုးသားခရီးသွားလုပ်ငန်းအဖွဲ့အစည်းဖြစ်သည့် စင်ကာပူ ခရီးသွား ဘုတ်အဖွဲ့ (STB) က ကြီးမှုးကျင်းပသည့် ယခုပွဲတော်သည် မြန်မာနိုင်ငံနှင့်စင်ကာပူနိုင်ငံ နှစ်နိုင်ငံကြား ချစ်ကြည်ရင်းနှီးမှု နှစ် ၅၀ ပြည့် အထိမ်းအမှတ်ဖြစ်သကဲ့သို့မြန်မာနိုင်ငံသားများကို စင်ကာပူနိုင်ငံ၏ စုံလင်မှုများကို ပြသရန် ဖိတ်ခေါ်သော ပွဲတော်လည်း ဖြစ်သည်။ ပွဲတော်တွင်ဖျော်ဖြေရေးအစီအစဉ်များ၊ ပျှော်ရွှင်ဖွယ်ဂိမ်းကစားနည်းများ၊ အနုပညာရှင်များ၊  အစားအသောက် မြည်းစမ်းခံစား ခြင်းများ၊ ကြိုတင်မှာယူခြင်းနှင့် ဝယ်ယူခြင်း Book and Buy အစီအစဉ်များ၊ စင်ကာပူနိုင်ငံသို့ ၄ ညအိပ် ၅ ရက် အလည်အပတ် ခရီးစဉ်ကံစမ်းမဲဆုကြီးတစ်ဆုအပါအဝင် အထူးလက်ဆောင်များပေးအပ်ခြင်းစသော အစီအစဉ် များဖြင့် စည်ကားသိုက်မြိုက်စွာ ကျင်းပခဲ့ပါသည်။


စင်ကာပူ ခရီးသွား ဘုတ်အဖွဲ့ (STB) အနေဖြင့် ယခုနှစ်တွင် မြန်မာနိုင်ငံမှ လူကြီးလူငယ်များအားလုံး စင်ကာပူနိုင်ငံသို့ လာရောက်လည်ပတ်မှုများ ပြုလုပ်ကြရန်လည်း ရင်းနှီးဖော်ရွေစွာဖြင့် တရားဝင် ဖိတ်ခေါ်ထားပြီး ဖြစ်သည်။ မကြာသေးမှ နှစ်များအတွင်းကလည်း မြန်မာနိုင်ငံမှ အိမ်နီးချင်းနိုင်ငံများသို့ သွားရောက်လည်ပတ်သူဦးရေ တဖြည်းဖြည်းတိုးမြင့်လျက်ရှိပြီး ၂၀၁၆ ခုနှစ် ဇန်နဝါရီလမှ ဇူလိုင်လအတွင်း မြန်မာနိုင်ငံသား ခရီးသွားများ စင်ကာပူနိုင်ငံသို့ လာရောက်လည်ပတ်မှုသည် ၇၀,၀၀၀ နီးပါးရှိခဲ့သည်။ (ပြီးခဲ့သည့်နှစ် အလားတူ ကာလနှင့်နှိုင်းယှဉ်ပါက ၇.၈ ရာခိုင်နှုန်းကျော် တိုးလားခဲ့သည်။) ၂၀၁၅ ခုနှစ်တွင် စင်ကာပူနိုင်ငံသို့ လာရောက် လည်ပတ်သည့် မြန်မာခရီးသွားဦးရေစုစုပေါင်း ၁၀၅,၄၅၂ ဦးရှိခဲ့ပြီး စင်ကာပူသို့ လုပ်ငန်းကိစ္စဖြင့် မြန်မာနိုင်ငံမှ လာရောက်သူဦးရေ ၁၆% တိုးတက်လာသည်ကို မြင်တွေ့ရပါသည်။


STB Thailand and Myanmar ၏ Area Director ဖြစ်သော Ms. Sherleen Seah က “မြန်မာတွေ စင်ကာပူကို လာရောက်လည်ပတ်ကြတာက ဆွဲဆောင်မှုရှိတဲ့နေရာတွေ အများကြီးရှိတာရယ်၊ ဈေးဝယ်လို့ ကောင်းတာရယ်၊ စင်ကာပူက အစားအသောက်နဲ့ စင်ကာပူလူမျိုးတွေကို နှစ်သက်ကြတာရယ်နဲ့ လူတိုင်း အတွက် ပျော်ရွှင်နှစ်ခြိုက်တဲ့ အရာတစ်ခုမဟုတ် တစ်ခုရှိနေတာကြောင့်ရယ်လို့ ကျွန်မတို့ထင်ပါတယ်။ စင်ကာပူနိုင်ငံဟာ ခရီးသွား အမျိုးမျိုးနဲ့ သင့်တော်သလို အထူးသဖြင့် မိသားစုတွေ လာလည်လို့ကောင်းတဲ့ပြည့်စုံတဲ့နေရာတစ်ခုပါ။ လေဟာပြင်ဈေးတွေ၊ ဖက်ရှင်ဆိုင် တွေ၊ ရှော့ပင်းမောလ်တွေကိုသွားမလား၊ ပြည်တွင်းအနီးတဝိုက်နဲ့ ရှုခင်းတွေကို လေ့လာချင်သလား၊ ဗိသုကာ အနုပညာနဲ့ သမိုင်းကို လေ့လာချင်သလား၊ ဒါမှမဟုတ် ပန်းခြံတွေထဲ လျောက်သွားချင်သလား၊ ဒါမှမဟုတ် ကမ်းခြေကိုသွားပြီး အပန်းဖြေချင်သလား၊ စင်ကာပူမှာ ဒါတွေအားလုံးအကုန်ရှိပါတယ်” ဟု ပြောကြားခဲ့ပါသည်။


၂၀၁၆ ခုနှစ်သည် အိမ်နီးချင်းနိုင်ငံများအတွက် အထူးကောင်းမွန်သော နှစ်တစ်နှစ်ဖြစ်ပါသည်။ စင်ကာပူနိုင်ငံနှင့် မြန်မာနိုင်ငံကြား သံတမန် ဆက်သွယ်ရေး စတင်ခဲ့သည်မှာ ၂၀၁၆ ခုနှစ် ဧပြီတွင် နှစ်၅၀ပြည့်မြောက်ခဲ့ပြီဖြစ်သည်။ ဇွန်လအတွင်းတွင် နှစ်နိုင်ငံခေါင်းဆောင်များက ၂၀၁၆ ခုနှစ် ဒီဇင်ဘာ ၁ ရက်နေ့မှစ၍ နှစ်နိုင်ငံလုံးမှ ခရီးသွားများအား ရက် ၃၀ ဗီဇာကင်းလွတ်ခွင့်ပြုမည့် ‘Visa Free’ အစီအစဉ်ကို ပူးတွဲကြေညာခဲ့ပါသည်။


စင်ကာပူ ခရီးသွား ဘုတ်အဖွဲ့ (STB)၏ ဤပွဲတော်ကျင်းပရခြင်းရည်ရွယ်ချက်နှစ်ခုမှာ မြန်မာပြည်သူများအနေဖြင့် စင်ကာပူစတိုင်လ် ဧည့်ဝတ်ကျေပွန်မှုကို ပိုမိုနားလည်စေရန်နှင့် ခရီးသွားဧည့်သည်များအတွက် ခရီးစဉ်ဈေးနှုန်း အမျိုးအစား အမျိုးမျိုးကို ကမ်းလှမ်းတင်ပြရန်တို့ ဖြစ်ပါသည်။ STB Executive Director Southeast Asia ဖြစ် သော Mr. Edward Koh က “မြန်မာခရီးသွားဧည့်သည်တွေက စင်ကာပူကိုလာရောက်လည်ပတ်ရတာ အဆင်ပြေပျော်ရွှင်တဲ့နေရာတစ်ခုအဖြစ် ချီးကျူးကြပြီး ထပ်မံလာရောက်လည်ပတ်ကြသူတွေ အများအပြား ရှိတယ်ဆိုတာ ကျွန်တော်တို့သိရှိထားပါတယ်။ လာရောက်လည်ပတ်ဖူးသူတွေအနေနဲ့ အတွေ့အကြုံကောင်း တွေကို သတင်းကောင်းပါးပေးနိုင်ဖို့ ကျွန်တော်တို့ ဖိတ်ခေါ်ပါတယ်။ စင်ကာပူတွေက မြန်မာတွေအားလုံးကို ဝမ်းမြောက်ဝမ်းသာ လက်ကမ်းကြိုဆိုနေတယ်ဆိုတာက်ုလည်း သိစေချင်ပါတယ်” ဟုပြောကြားခဲ့ပါသည်။


ပွဲတော်၏ပထမနေ့တွင် STB Southeast Asia ၏ Executive Director Mr. Edward Koh က ကြို ဆိုနှုတ်ခွန်းဆက်စကား ပြောကြားခဲ့ပြီး မြန်မာနိုင်ငံဆိုင်ရာ စင်ကာပူသံအမတ်ကြီး HE. Mr. Robert Chua က အဖွင့်အမှာစကားပြောကြားခဲ့ပါသည်။ မကြာသေးခင်ကမှ စင်ကာပူမှပြန်လည်ရောက်ရှိလာသော ရုပ်ရှင် သရုပ်ဆောင်များ ဖြစ်ကြသော အကယ်ဒမီ ပြေတီဦးနှင့် အကယ်ဒမီ အိန္ဒြာကျော်ဇင်တို့ကလည်း သူတို့သွားရောက်လည်ပတ်စဉ်အတွင်း အမှတ်တရ ပျော်ရွှင်ဖွယ် အကြောင်းအရာများကို ပြန်လည်ဝေမျှပြောကြားခဲ့ပြီး သရုပ်ဆောင်သွန်းဆက်နှင့် ထွန်းကိုကိုတို့က စင်ကာပူ နှင့် မြန်မာ အစားအစာများကို ချက်ပြုတ်သရုပ်ပြခဲ့ကြသည်။


လာရောက်ကြသူ ဧည့်သည်ပရိသတ်အနေဖြင့်လည်း အစားအစာများ မြည်းစမ်းကြည့်ခြင်း၊ ဖျော်ဖြေမှုအစီအစဉ်များ ကြည့်ရှုခြင်း၊ လက်ဆောင်များ ရယူနိုင်ခြင်းများဖြင့် အားလပ်ရက်များကို ပျော်ရွှင်တက်ကြစွာ ပါဝင်ဆင်နွဲခဲ့ပြီး တချို့ဆိုလျင် စင်ကာပူသို့ အလည်အပတ် ခရီးစဉ်အတွက် ချက်ချင်း Booking ပြုလုပ်ခြင်းများ ဆောင်ရွက်ခဲ့ကြသည်။ ထို့ကြောင့် ဤပွဲသည် အောင်မြင်သောပွဲအစီအစဉ်တခု ဖြစ်ခဲ့ပြီး ထပ်မံကျင်းပ ဦးမည့် ပွဲတော်တစ်ခုလည်း ဖြစ်လာပါလိမ့်မည်။

posted from Bloggeroid