သပိတ်ကျင်းတွင် တရားရေးနှင့် ရဲကိုမကျေနပ်၍ ဆန္ဒပြ
====== ====== ====== ====== ======
မန္တလေးတိုင်းဒေသကြီး ပြင်ဦးလွင်ခရိုင် သပိတ်ကျင်းမြို့တွင် တရားရေးမဏ္ဍိုလ် ယိမ်းယိုင်နေခြင်းနှင့် ဥပဒေကိုမျက်ကွယ်ပြုပြီး ရဲတပ်ဖွဲ့ဝင်အချို့က ပြည်သူကို
အနိုင်ကျင့်နေသည်ဟုဆိုကာ ဒေသခံဦးမောင်ကြီးနှင့် နန္ဒတစ်ကိုယ်တော်ဆိုသူ
၂ ဦးက စက်တင်ဘာ ၄ မွန်းလွဲပိုင်းက လမ်းလျှောက်ဆန္ဒဖော်ထုတ်ခဲ့ကြသည်။
"ကျွန်တော်တို့ဒေသမှာ ရွှေတူးဖော်ရေးလုပ်ငန်းတွေရှိပါတယ်။ တရားမဝင်ရွှေတူးဖော်မှုတွေရှိတယ်။ လူမျိုးခြားတွေပါတယ်။ ဒေသခံတွေက တိုင်ကြားတယ်အရေးယူဆောင်ရွက်ပေးခြင်းမရှိဘူး။ နွားမှောင်ခိုတွေရှိတယ်။ မှန်မှန်ကန်ကန်လုပ်စားသူတွေ အရေးယူခံရတယ်။ နယ်မြေခံအဖွဲ့အစည်း
များနဲ့ပေါင်းပြီ တရားဝင် နွားမှောင်ခိုလုပ်ငန်းလုပ်နေတာတွေရှိတယ်။ သစ်မှောင်ခိုလုပ်ငန်းတွေရှိတယ်။ လိုင်ကြေးမပေးသူဆို ဒေသခံနွားကအစ ဖမ်းတယ်။ ဖမ်းတဲ့နွားတွေကို မှောင်ခိုသမားတွေနဲ့ပူးပေါင်ပြီး ရောင်းစား
တာတွေရှိတယ်။ ဒါကြောင့်သပိတ်ကျင်းမြို့နယ်တမြို့နယ်လုံးရဲ့ကိုယ်စား ဆန္ဒ
ဖော်ထုတ်တာပါ”ဟု ကိုမောင်ကြီးကပြောသည်။
အဆိုပါ ဆန္ဒဖော်ထုတ်မှုနှင့်ပါက်သက်၍ မြို့နယ်အထွေထွေအုပ်ရေးမှူးထံ
သွားရောက်မေးမြန်ခဲ့ရာ ဒုမြို့နယ်အုပ်ချုပ်ရေးမှူးဦးစိုးလွင်က“ကျွန်တော်တို့
အနေနဲ့ပြည်သူတွေသူတို့ဆန္ဒအရ ဆန္ဒဖော်ထုတ်တဲ့အတွက် ဘာမှပြော စရာမရှိပါဘူး။အခု သူတို့ဆန္ဒပြတယ်ဆိုတာလည်း ယခင်အုပ်ချုပ်ရေး လက်ထက်ကဖြစ်ခဲ့တဲ့အမှုတွေဖြစ်လို့ ကျွန်တော် တို့လည်း မသိပါဘူး”ဟု
ပြေကြားသည်။
စိုင်းထူးခန့်
posted from Bloggeroid
No comments:
Post a Comment