ပထမဆုံးအကြိမ်​ ကားပြိုင်​ပွဲ ပြပွဲမန္တ​လေး

မန္တလေးမြို့မှကားဝါသနာရှင်များစုပေါင်း၍ ပြင်ဦးလွင်တွင်
ကားပြပွဲနှင့်Car Driftဆွဲပြိုင်ပွဲကျင်းပ

မြတ်​သစ်​ခိုင်​

မန္တလေးမြို့မှကားဝါသနာရှင်များစုပေါင်းဖွဲ့စည်းထားသော Mandalay Car
Week(2016-Event) အနေ ဖြင့် ပြင်ဦးလွင်မြို့နယ်၊ ပြင်စာကျေးရွာအုပ်စုရှိ
ပြင်စာ(Cyber City)၌ ကားပြပွဲနှင့်Car Driftဆွဲပြိုင်ပွဲကို ယနေ့
နံနက်(၁၀)နာရီခွဲမှစတင်၍ နှစ်ရက်တာကျင်းပလျက်ရှိကြောင်း သိရသည်။

အဆိုပါပြိုင်ပွဲကိုဝါသနာရှင်များမှတစ်ဆင့်
နိုင်ငံတကာကားပြိုင်ပွဲများသို့ ၀င်ရောက်နိုင်သူများပေါ်ထွက် လာစေရန်၊
ယာဉ်စည်းကမ်းလမ်းစည်းကမ်းလိုက်နာမောင်းနှင်ကြစေရန်၊ ကားနှင့်ပတ်သက်သည့်
စိတ်ကူးစိတ်သန်းများတိုးတက်လာစေရန်နှင့်အတွေးအမြင်ဗဟုသုတများတိုးတက်လာစေရန်ရည်ရွယ်၍ကျင်းပခြင်းဖြစ်ကြောင်း
ပြိုင်ပွဲဖြစ်မြောက်ရေးကော်မတီဥက္ကဋ္ဌ(၁)ဦးစိုင်းကျော်နိုင်ဦးက
ပြောကြားခဲ့ သည်။

“Car Driftဆွဲပြိုင်ပွဲမှာပါဝင်ယှဉ်ပြိုင်မဲ့သူတွေဟာ
ကော်မတီကထုတ်ပြန်ထားတဲ့ စည်းမျဉ်းစည်းကမ်း အတိုင်း
လိုက်နာပြီးပါဝင်ယှဉ်ဖို့ လုပ်ဆောင်ထားပါတယ်။ နောက်ပြီး
သတ်မှတ်ထားတဲ့ပုံစံအတိုင်းလိုက်နာယှဉ်ပြိုင်ရမှာဖြစ်ပါတယ်။ အခု
ပြိုင်ပွဲဟာ Mandalay Car Weekအတွက် မန္တလေးမှာပထမဆုံးဖြစ်တဲ့အတွက်
နောက်နှစ်တွေမှာ ဒီထက်မကပိုပြီး ကောင်းမွန်အောင်လုပ်ဆောင်သွားမှာပါ။
အခုပထမရက်မှာက ကားအလှပြပွဲသီးသန့်ပါ။ ဒုတိယရက် မှာက Car
Driftဆွဲသီးသန့်ပြိုင်သွားမှာပါ။ ကားပြိုင်ပွဲဆိုတာ
ကမ္ဘာမှာအားကစားတစ်ခုပဲ။
နိုင်ငံတကာနဲ့ယှဉ်ပြိုင်ပြီးသူတို့လိုမောင်းနိုင်တဲ့ Off Road &
Driftကျွမ်းကျင်သူတစ်ယောက်ဖြစ်စေချင်တဲ့အတွက်
အခုလိုပြုလုပ်ခြင်းဖြစ်ပါတယ်။”ဟု ၎င်းကဆက်လက်ပြောကြားသည်။

Car Driftဆွဲပြိုင်ပွဲကို (A)အုပ်စုနှင့်(B)အုပ်စုဟူ၍သတ်မှတ်ထားပြီး
ဝင်ရောက်ယှဉ်ပြိုင်မည့်သူများ အနေဖြင့်
တစ်ဦးလင်ငွေကျပ်နှစ်သောင်းပေးသွင်း၍ ပါဝင်ယှဉ်ပြိုင်စေကာ ဆုကြေးအဖြစ်
(၆)သိန်း၊ (၄)သိန်းနှင့် (၂) သိန်းတို့ကိုချီးမြှင့်သွားမည်ဖြစ်သည်။

“ကျွန်တော်က (A)အုပ်စုကနေ၀င်ရောက်ယှဉ်ပြိုင်သွားမှာပါ။
ဒီပြိုင်ပွဲပါဝင်ယှဉ်ပြိုင်ဖို့ သုံး၊လေးလောက်ကြိုတင်ပြင်ဆင်ခဲ့တာပါ။
ဝင်ရောက်ယှဉ်ပြိုင်မဲ့ကားအမျိုးအစားကတော့ တိုယိုတာ Mark-2(99)ပါ။
ဒီပြိုင်ပွဲကိုဝင်ရောက်ရတဲ့ရည်ရွယ်ချက်က မြန်မာနိုင်ငံမှာလည်း
ကားအားကစားပြိုင်ပွဲတစ်ခုဖြစ်မြောက်လာစေဖို့အတွက်
ယှဉ်ပြိုင်ခြင်းဖြစ်ပါတယ်။ ဆုရရှိအောင်လည်းယှဉ်ပြိုင်သွားမှာပါ။”ဟု
ပြိုင်ပွဲဝင်ရောက်ယှဉ်ပြိုင်မည့် မန္တလေးမြို့နေ
ကိုအကြီးကောင်(ခ)၀င်းတင့်ထွန်းက ပြောကြားသည်။

အဆိုပါပြိုင်ပွဲတွင် ပြပွဲအတွက်ပါဝင်ပြသမည့်ကားအစီးရေ(၇၀)ကျော်ရှိပြီး
Car Driftဆွဲပြိုင်ပွဲတွင် ကား အစီးရေ(၃၅)စီးကျော်၊
အလှပြကားအစီးရေ(၂၀)နှင့် ရှေးဟောင်းများနှင့် ပုံစံသစ်ထုတ်လုပ်ထားသည့်
ကားအစီးရေ(၁၀)ကျော်တို့ကိုပြသခဲ့ကာ ဒီဇင်ဘာ(၃၁)ရက်တွင်
ကားဒရစ်ဆွဲပြိုင်ပွဲကို ယှဉ်ပြိုင်သွား မည်ဖြစ်ကြောင်း သိရသည်။