မလေးရှားတွင်အကျဉ်းကျပြီးအလုပ်သမား၁၀၉၁၄ဦးကို မြန်မာအစိုးရက ပြန်လည်ခေါ်ယူ
မြန်မာနိုင်ငံမှ မလေးရှားနိုင်ငံသို့ သွားရောက်ရာတွင် အကြောင်းအမျိုးမျိုးကြောင့် အကျဉ်းကျပြီး မလေးရှားထိန်းသိမ်းရေးစခန်းများတွင် သောင်တင်နေကြသော
နိုင်ငံသားများကို မြန်မာအစိုးရအနေဖြင့်သော်လည်းကောင်း၊ အလှူရှင်များ၏ အကူအညီဖြင့်သော်လည်းကောင်း ပြန်လည်ခေါ်ယူခဲ့ရာ ၂၀၁၅ခုနှစ် ဇန်န၀ါရီမှ ၂၀၁၆ခုနှစ် ဇွန်လအထိ ၁၀၉၁၄ ဦး ရှိပြီးဖြစ်ကြောင်း မလေးရှားနိုင်ငံမြန်မာသံရုံးမှ ရွှေ့ပြောင်းလုပ်သားဆိုင်ရာ အတွင်းဝန် ဦးတင်ဝင်းအောင်က News Watch သို့ ဇူလိုင်လ၂၂ရက်နေ့တွင် ပြောကြားသည်။
‘’ရွှေ့ပြောင်းလုပ်သားတွေအနေနဲ့တရားဝင်လမ်းကြောင်းကမလာပဲ ကော့သောင်းမှတဆင့်ထိုင်းနိုင်ငံကိုဖြတ်တယ် မလေးရှားကို လာတာများပါတယ် ၊ဒီလိုအောက်လမ်းကလာတဲ့သူတွေ တော်တော်များများ အဖမ်းခံရတယ်။ သူတို့ကို ထိုင်းနယ်စပ်နားက မလေးရှားအပိုင် အလော်စတားမြို့ ထိန်းသိမ်းရေးစခန်း ထားပါတယ်။
ကျွန်တော်တို့သံအမတ်ကြီးအသစ်က တော်တော်အလုပ်လုပ်ပါတယ။ အခုလည်း ဖမ်းဆီးခံရွှေ့ပြောင်းလုပ်သားတွေကို ဆက်တိုက်ပြန်ပို့ပေးနေပါတယ် ‘’ဟု ၄င်းက ပြောပြသည်။
မလေးရှားနိုင်ငံတွင် ဖမ်းဆီးခံထားရသော မြန်မာလုပ်သားများ၏ အရည်အတွက်ကို အတိအကျပြောဆိုဖို့ရန် မလွယ်ကူကြောင်း မြန်မာနိုင်ငံသို့ ပြန်ပို့လိုက်သူများသူအများအပြားရှိသော်လည်း ထပ်မံအဖမ်းခံရသူဖြင့် မူလအရည်အတွက်ရှိသည့်အတိုင်း လျော့နည်းသွားခြင်း မရှိကြောင်းနှင့် တရားမ၀င်လုပ်သားများ ဖမ်းဆီးခံရခြင်း လျော့နည်းသွားစေရန် တရာမ၀င်လမ်းကြောင်းများကို ပိတ်ဆို့တားဆီးရန်သာ အဓိကဖြစ်ကြောင်း ၄င်းကသုံးသပ်ပြောဆိုသည်။
စောကျော်ဝင်း
posted from Bloggeroid
No comments:
Post a Comment